ماهو الشلل النصفى؟ هو شلل فى نصف عضلات الجسم ابتداء من عضلات الوجه وعضلات الطرف العلوى والطرف السفلى وعضلات البطن ماهو سبب الشلل النصفى؟ فى كذا سبب للشلل اهمها الجلطات , بتتكون جلطه فى الدم وتوصل الجلطة لشريان فى المخ وتسد الشريان فبيموت جزء من المخ ده بيسبب شلل نصفى فى اسباب تانية لكنها اقل ونسبه حدوثها اقل وهى النزيف الداخلى بالمخ نتيجة حادث او اصابة واهم الفحوصات المطلوبه فى هذا المرض هى الاشعة المقطعية واشعة الرنين المغناطيسى واللى بتحدد مكان الاصابة فى المخ او جزع المخ او الحبل الشوكى وده اللى بيحدده الطبيب المعالج العلاج اهم شىء فى العلاج هو الاهتمام بالحالة العامه للمريض فلازم يتم غسيل جسم المريض بانتظام بكحول مطهر ثم وضع بودره تلج كمان لازم يتركب للعيان قسطرة بول وبراز وبالنسبة للادوية فده بيتحدد حسب سبب الشلل النصفى فلو كان مثلا السبب هو الجلطه _وهو الغالب_ فبندى للعيان الادوية المدوبة للجلطات ونمنع حدوث جلطات جديدة ومن اهم الادوية اللى العيان بياخدها فى العلاج هو الاسبيرينaspirin و ticlid وبرضو العلاج الطبيعى بيجيب نتيجة فى كتير من الحلات
ماهو التهاب الاغشية السحائية: معنى meningitis هو عبارة عن التهاب قى الاغشية المحيطة بالمخ وهى ثلاثة اغشية الحنون والجافية وطبقة وسطى وظيفة هذه الاغشية انها تحيط الجهاز العصبى(المخ والحبل الشوكى) كله وبداخلها السائل المغذى للمخ الالتهاب ده غالبا بيكون بسبب بكتريا تسمى (meningicoci ) وفى بعض الاحيان بيكون سبب الالتهاب فيرس بس ده مش الغالب العدوى بهذه البكتريا بيكون عن طريق النفس او الرزاز من شخص مصاب او حامل للبكتريا فى الحلق وده بيكون غالبا فى الاطفال بسبب التكدس فى المدارس وضعف المناعة الاعراض: ارتفاع فى درجة الحرارة نتيجة الالتهاب , زيادة فى النبض, قىء مفاجىء,زغللة فى العين, وجع فى الرقبة, صعوبة فى حركة الرقبة,تشنجات ويتم التشخيص عن طريق عمل صورة دم ومزرعة دم للتاكد من وجود بكتريا فى الدم كما يتم عمل بزل للسائل المحيط بالمخ عن طريق سرنجه من بين الفقرات القطنية العلاج: اهم من العلاج هو الوقاية عن طريق التهوية الجيدة , منع التكدس ,عزل الطفل المصاب عن باقلى افراد العائلة,وكمان فى امصال مضادة للبكتريا , بالنسبة للادوية فيجب اعطاء المريض مضادات حيوية للبكتريا المسببة للالتهاب حسب ماتظهر نتيجة المزرعة بس فى الغالب العيان بياخد( cefotaxime) او بنيسلين
(autoimmune)هو مرض مناعى يعنى المفروض ان الجسم فيه جهاز مناعى كالجيش يهاجم اى جسم غريب لكن فى مرض الزئبة بيحصل خلل فى المناعة فيبتدى الجسم يهاجم نفسه ويكون اجسام مضادة ضد نفسه وبيسبب فشل فى كتير من وظايف الجسم اعراض الزئبة الحمراء؟ نتيجه لوجود اجسام مضادة ضد الجسم نفسه بتحصل التهابات كتير فى الجسم وبتظهر بالذات فى الجلد فبيحصل تساقط للشعر واحمرار فى منطقة حول الانف ومن اشهر المشاكل اللى بيسببها مرض الزئبة الحمرا هو الفشل الكلوى بمختلف مراحلة مشاكل المرض؟ التهابات فى الكلى والجلد و الاعصاب وارتشاح مياه فى الرئتين والتهاب فى الرئتين التهاب ووجع فى جميع عضلات الجسم العلاج؟ علاج هذا المرض يعتمد فى الغالب على الادوية اللى بتقلل المناعة او بمعنى اصح بتهدى المناعة وتقلل من هجومها على الجسم وطبعا اشهرها الكورتيزون corticosteroids وفى ادوية تانية بتقلل المناعة زى ازاسيوبريين azathioprine
ماهى دوالى الساقين؟ هى ان الاوردة اللى فى الرجل بتنتفخ وتكبروتبقى متعرجة وتبقى باينة بالعين المجردة ولونها ازرق لانها مليانة بالدم ماهو سبب الدوالى فى الساقين؟ السبب الغالب بيكون سبب وراثى , يعنى حد من العيلة عنده نفس المشكلة وهى ان جدار الشريان بيبقى ضعيف فبيعبى دم وينتفخ او ان فى حاجه بتمنع رجوع الدم مثلا: الحمل بيعمل دوالى بس بتكون مؤقتة او اى مشكلة فى منطقة الحوض ماهى مشاكل دوالى الساقين؟ المشكله ان الدم لما بيقف كتير فى الاورده بيعمل هرش فيبتدى المريض يهرش جامد وده ممكن يعمله قرح العلاج: ده بيعتمد على التشخيص فلو مثلا السبب ضعف فى الوريد بيكون الشراب احسن حل مع رفع الرجل قدر الامكان اثناء النوم اما اذا كان السبب هو انسداد فى رجوع الدم ففى الحاله دى علاج السبب هو الحل
حمى التيفود ده مرض بيجى من بكتيريا اسمها سالمونيلا .العدوى بتكون من واحد لواحد عن طريق الاكل الملوث.الشخص اللى بيعدى ممكن يكون حامل للمرض و الاعراض مش ظاهره عليه و يفضل يعدى فى الناس و يا سلام بقى لو شغال فى مطعم.
الاعراض:
بعد ما الواحد ياكل الاكل الملوث اسبوع او شهر الحراره بتبتدى تعلى و بيكون فيه رعشه و وجع فى البطن و امساك مع صداع جامد و مبيرحش الاعراض دى بتبقى لمده اسبوعين و فى الاسبوع التالت الاعراض بتبتدى تقل و الواحد بيتحسن.
عدوى التيفود بتكون مره واحد فى العمر و بعد كده الواحد بيبقى عنده مناعه للتيفود بس ممكن يفضل حامل للمرض و يعدى الناس.
التشخيص بيكون عن طريق الاعراض اللى اهمهم الحراره العاليه و الصداع و ممكن تحليل دم و اختبار فيدالwidal test.
العلاج:
اهم حاجه الوقايه يعنى الاكل لازم يكون نضيف و المريض لازم يتعزل لحد ميخف و فيه كمان تطعيمات ضد التيفود.
العلاج بيبتدى بالراحه فى السرير و الاكل الخفيف و خافضات الحراره و المسكنات للصداع و المضادات الحيويه اللى اشهرهم سيبروفلوكساسين ciprofloxacin لمده اسبوعين مرتين فى اليوم.
ده مرض بيجى فى الكلى.اولا الكليه عامله زى المصفى اللى بتصفى الم و تنقيه اللى بتعدى حاجات و مبتعديش حاجات و فيه حاجات ممكن تعدى من الكليه لكن الكليه بتمتصها تانى.
فى مرض النيفروتيك فتحات المصفى اللى فى الكليه بتوسع فبتعدى بروتينات منها(الطبيعى البروتينات متعديش من الكليه )فالبروتين فى الدم بيقل و بيظهر زلال (بروتين)فى البول.
المرض ده غالبا بيجى للاطفال اكتر من الكبار و بيكون نتابجوا فى الاطفال احسن من الكبار .
الاعراض:
اهم عرض ورم و انتفاخ حوالين العينين و ممكن بعد كده الرجلين و باقى الجسم يورم.
و من التحاليل نلاقى البروتين قل فى الدم و الزلال زاد فى الدم و الدهون زادت فى الدم و فى البول.
تشخيص نيفرونتيك بيكون من الاعراض و تحليل الدم و البول و وظائف الكلى اللى بتكون طبيعيه
العلاج:
اكل فيه بروتين كتير و مفهوش ملح خالص عشان الورم يقل و مدرات البول عشان تخف الورم و العلاج الرئيسى كورتيزون و مخفضات المناعه لمده 6 شهور عشان السبب الرئيسى للنيفروتك فى الاطفال ان مناعه الجسم بتهاجم الكليه و السبب الرئيسى فى الكبار السكر و الذئبه الحمر.و فى الاطفال نتيجه العلاج بتكون كويسه اوى.
ده مرض موجود فى مصر كتير و ده بيجى لواحد عندو اميبا فى امعائه(زى معظم المصريين)بس ده بقى الاميبا راحت للكبد و عملت فيه التهاب اللى ممكن يعمل خراج.
الاميبا بتيجى من الاكل الملوث فعشان كده المرض ده بيجى للرجاله اكتر من الستات و للشباب و الاطفال اكتر.
الاميبا الاول بتصيب القولون و بتجيب مغص و امساك و اضطرابات فى الامعاء(الطبيعى بعد ما تاكل اكله ملوثه).
بس لو الاميبا راحت للكبد و عملت فيه التهاب فحراره الواحد بتعلى و بيبقى لونه بهتان و مش عايز ياكل و نفسو بتغم عليه و وزنه بيقل و جنبو اليمين مكان الكبد بيبقى وجعوا.
خراج الكبد الاميبى بيتشخص من الوصف و الاعراض غالبا و ممكن الدكتور يطلب تحليل براز االى اكيد هيكون فيه اميبا و سونار على الكبد عشان يشوف الخراج.
العلاج:
علاج خراج الكبد الاميبى بيبقى اقراص ميترونيدازول (فلاجيل) (flagyl) تلات مرات فى اليوم لمده عشر ايام.
و لو بعد خمس ايام من العلاج العيان مبتداش يتحسن او لو كان الخراج كبير ممكن الدكتور بابره يسحب الصديد من الخراج عشان يساعد المضاد الحيوى .
ده التهاب فى انسجه الرئه وده ممكن يجىلاى حد من العدوى عن طريق رزاز فيهالميكروب اللى غالبابيبقى باكتيريا لكن ممكن يكون فيروس. والعدوى من واحد مش لازم يكون عنده التهاب رئوى لكن المهم انه يكون عنده الميكروب ممكن حتى يكون عنده التهاب فلى الحلقاو ميكونش بيشتكى من حاجه ويعدى واحد ويجيلوا التهاب رئوى.
وايه هياالاعراض؟
الاعراض تكون حرارة عاليه وصداع وتكسير فى الجسم فالواحد ممكن يفتكر دور برد شديد حبه لكن بيكون معاها صعوبه فى التنفس ووجع فى الصدر مع التنفس العميق وكحه تكون الاول جافه وبعدين يبقى معاها بلغم.
الالتهاب الرئوى كان بيتسمى زمان حمى السبع ايام لان الواحد غالبا كان بيخف بعدسبع ايام.
الالتهاب الرئوى بيتشخص من الاعراض او اشعه الصدر وممكن كمان يتطلب مزرعه بلغم عشان يعرف نوع الميكروب ويتاخد مضاد حيوى يناسبوا .
العلاج:
راحه فى السرير طبعا واكل كويس وبرتقال ولمون وحاجات دافيه وكلام من ده والمضادات الحيويه يتاخد حسب المزرعه لكن معظم الدكاترة بتدى مضاد حيوى واسع المجال يعنى يشتغل على البكتريا كتير واكتر مضاد حيوى بيستخدم هو((Augmentin
طبيعى عند كل الناس ان المعده بتكونت تحت الحجاب الحاجز فلما الواحد بياكل , فالحجاب الحاجز يتقفل بين المعده والمرئ علشان يمنع الاكل من انه يرجع للمعده .
لكن ممكن تكون فتحه الحاجاب الحاجز اللى بيعدى منها المرئ للمعده واسعه حبه فالاحماض اللى فى المعده ممكن ترجع على المرئ وعشان كده الواحد بيحس بحموضه ووجع فى صدره وخصوصا بعد الاكل او النوم وبطنه مليانه او لما يوطئ علشالن يربط الرباط مثلا وكمان مممكن يحس انه هيرجع وان فيه حاجه طلعت من بطنه بس ما بيرجعهاش .
الارتجاع غالبا بيتشخص من الوصف ومش محتاج تحاليل لكن ممكن الدكتور يطلب منظار علشان يتاكد بس ,غالباملوش لازمه .
العلاج
علاج الارتجاع ان الواحد لو وزنه زياده شويه يقلله ويقلل التدخين والقهوه ويقسم الوجبه على مرات كل مرة كميه قليله واهم حاجه انه مينامش بعد الاكل على طول او ممكن يعلى المخدات وهو نايم . الادويه بقى فيه طبعا ( زنتاكzantzc_ ranitidine ) اللى كل الناس عارفاه وفسيه حاجات تانيه احسن بس اغلى ودى تتاخد لما الزنتاك ما بيجبش نتيجه ompepak_controlocوفيه ادويه شرب بتتاخد قبل الاكل عشان تعادل الحموضه زىmucogel
يعنى ايه دوالى المرئ؟ يعنى الاورده اللى فى المرئ وسعت و طولت فبقت معرضه ان الاكل لما ينزل عليها تنزف
امتى تيجى دوالى المرئ؟ده بيجى لواحد عندو مرض فى الكبد زى تليف الكبد او البلهارسيا من فتره.اورده المرئ طبيعى انها بتصب فى الكبد الاول و لما بيكون الكبد مريض فالدم مبيرحش للكبد كويس و بيتجمع فى الاورده و مع الوقت بيطولها و يخليها عرضه للنزف.
هو اى حد عندو تليف فى الكبد ممكن يجيلو دوالى المرئ؟لا طبعا لازم يكون التليف جامد و بقالو فتره طويله.
ليه حاله عيان الكد بتسوء بعد لما بيرجع مره دم فى دوالى المرئ؟عشان اصلا الكبد بتاعو واصلو دم على قدو و شغال بالعافيه فلما الواحد بينزف دم من المرئ او من اى حته فالدم اللى رايح للكبد بيقل فحالو بتسوء.
ازاى يتشخص دوالى المرئ؟بيتشخص بمنظار المرئ ده غير تحليل اللى بتعرف حاله الكبد زى وظائف الكبد و صوره الدم.
ايه علاج دوالى المرئ؟علاجو منظار المرئ اللى بيشخصوا و يعالجو عن طريق حقن ماده تقفل الاورده اللى ممكن تنزف او ربطها بحاجه زى الاستك عشان متنزفش تانى ده غير اخد فيتامين k اللى يقلل النزيف.
اولا المرئ وظيفته انو بيوصل الاكل للمعده علشان تبتدى عمليهالهضم . والاكل ما ينزلش فى المرئ بالجاذبيه يعنى المرئ مش زى الانبوبه , الاكل يترمى فيها وينزل المعده والا ما كانش الواحد يعرف يبلع وهو نايم . لكن فيه موجات من الانقباضات فى المرئ بتزق الاكل للمعده .
فى مرض ضيق المرئ , المرئ مبيبقاش ضيق بجد يعنى مش بتبقى فيه حاجه سداه , لكن بتكون موجه الانقباضات ضعيفه او بيكون المرئ مش بيترخى علشان يدخل الاكل المعده .
ضيق المرئ بيجى غالبا للرجاله اكتر من الستات فى سن 20 الى 40 سنه وبيكون الواحد بيشتكى من صعوبه فى بلع السوائل او بلع ريقه. لكن مش بيكون فيه وجع فى البلع , وبلع الاكل الصلب غالبا بيكون مفهوش مشاكل . ممكن كمان يشتكى من ارتجاع وحموضه .
المرض ده بيتشخص بالوصف او بالمنظار او بقياس الضغط فى المرئ ( manometeric study )
العلاج بيكون بتوسيع المرئ ببالونه زى بتاعت قسطره القلب بس اكبر, او ممكن عمليه توسيع . فيه كمان علاج جديد هو حقن بوتكس ( Botax ) فى جدار المرئ تخليه يرتخى .
هو مرض فيروسى بيجى للاطفال والشباب من الاكل الملوث ومعنى الاكل الملوث مش يعنى عربيه كشرى فى الشارع لكن ممكن من سندوتش معمول فى البيت لكن الطفل حطو فى المدرسه على ديسك عليه فيروس وبعدين كلو فيجيلو التهاب كبدى A
بعد الاكله الملوثه بشهر تظهر على الطفل اعراض المرض .
بدايه الاعراض بتكون شبه نزله برد يعنى حراره وتكسير فى الجسم وخمول .
وده اكبرها دكتور مش ممكن يشخص الالتهاب الكبدى فى بدايه الاعراض ولكن فى المرحله الثانيه دى اللى بيتشخص فيها ودى فيها الحراره بتقل ولكن بيكونفيه وجع فى البطن من الناحيه اليمين مكان الكبد والعين بتصفر علشان كده الالتهاب الكبدى اسمه التانى الصفره والمرحله دى بتقعد من اسبوع لشهر و بعدين الصفره والوجع وغممان النفس بيقل بالتدريج والواحد يرجع طبيعى وكبده طبيعى على الاخر .
معظم الدكاتره بيشخصوا الصفره عن طريق اصفرار العين والالم مكان الكبد لكن ممكن يطلب تحاليل زى نسبه الصفره فى الدم( serum biliribin )ووظائف الكبد وده علشان يتاكد بس .
العلاج
اهم حاجه الوقايه ان الواحد مياكلش اكل ملوث ( على قد ما يقدر ) وفيه تطعيم للالتهاب الكبدى بس مش منتشر قوى علشان غالى .
العيان لازم يستريح فى السرير لحد ما يبقى كويس والالم وغممان النفس واصفرار العيت يروحوا.
اما بالنسبه للاكل فيقلل منالدهون علشان بتزود غممان النفس وياكل بروتين براحتوا على عكس الاشاعات وياكل كربوهيدرات كتير علشانكده مريض الكبد بينصحوه ياكل عسل اسود .
وخلال اسبوع لشهر هيكون المريض خف لوحده من غير اى ادويه غير ممكن شويه حاجات للترجيع او للحراره .
قبل ان نتكلم عن انيميا نقص الحديد لابد ان نعرف ان الوزن ليس له صله بالانيميا ,اى ممكن ان يكون هناك شخص جسمه مليان ووزنه زائد ويكون عنده انيميا تقص الحديد وهناك شخص آخر رفيع ونحيف وليس عنده انيميا . فهذا المرض لا يعتمد على الوزن ولكن يعتمد على اسباب اخرى سوف نوضحها الآن .
من اهم واشهر اسباب انيميا نقص الحديد والتى غالبا ما تكون سبب من اسباب الاصابه بالمرض هى :-
1-الاطفال حديثى الولاده ممكن اصابتهم بهذا المرض لان لبن الرضاعه ممكن يكون نسبه الحديد به قليله .
2-الاكل من اهم الاسباب نقص الحديد وليس كل اكل به حديد, اى ان اللى بياكل كتير ليس معنى ذلك انه لن يصاب بالانيميا . ولكن المهم نوعيه الاكل , وسوف نوضح فيما بعد انواع الاكل التى بها حديد .
3-تناول الشاى بكثره يمنع امتصاص الحديد , لذلك لابد ان نحاول من تقليل كميه الشاى التى نتناولها فى اليوم .
4-ممكن الانيميا تصيب السيده الحامل او التى تقوم بالرضاعه .
5-اضطرابات الدوره الدمويه عند السيدات ممكن يفقدها كميه من الدم من اسباب الاصابه بالانيميا .
6-لو ان شخص يحدث له نزيف بكثره او يتبرع بالدم مرات كثيره وعلى فترات متقاربه ممكن ان يصاب بالانيما.
7-قرحه المعده او دوالى المرئ او البواسيرهذه الامراض التى يصاحبها فقد فى الدم ممكن ان تصيب الشخص بالانيميا.
8-دودوه الانكلستوما فى المعاء والتى تسبب تهتك غشاء الامعاء ممنكن ان تسبب الاصابه بالانيميا.
9-كذلك سرطانات المعده او الامعاء او المرئ او امراض الدم مثل نقص الهيموجلوبين ممك ان تسبب الاصابه بالانيميا .
كيف يعرف الانسان انه مصاب بالانيميا
1-عندما يشعر بالارهاق من اقل مجهود .
2-عندما يشعر ان دقات قلبه سريعه ( او بيرفرف زى الناس ما بيقولوا) عندما يبذل اقل مجهود .
3-عندما يشعر بصداع او زغلله او عدم تركيز او نهجان .
عندما يشعر الانسان بالاعراض السابقه عليه الذهاب الى طبيب امراض باطنيه لتشخيص المرض بالضبط وعدمقيام الشخص بمعالجه نفسه لان هذه الاعراض ممكن ان تتشابه مرض اخر له نفس الاعراض .
كيف تعرف انك مصاب بانيميا فقر الدم
تقوم بعمل تحليل صورة دم ( CBC ) ولو كانت نسبه الهيموجلوبين (HB conc) اقل من 11% فهذا مؤشر على انك مصاب بانيميا فقر الدم وعليك الذهاب الى الطبيب .
علاج الانيميا
اهم شئ فى علاج انيميا نقص الحديد انك تاكل اكل فيه حديد مثل اللحوم والخضروات وخاصه الخضروات التى لونها اخضر مثل الجرجير وكذلك الارز حيث ان به حديد. ومع الاكل لابد ان نقلل من تناول الشاى كلما امكن ذلك لان الشاى يقلل من امتصاص الحديد ( علما بان الشاى الكشرى الغير مغلى لا يقلل من امتصاص الحديد وممكن ان تشرب الشاى الكشرى براحتك )
الغرض من علاج الانيميا هو معالجه اعراض الانيميا وكذلك عمل مخزون من الحديد فى الجسم منعا لعوده الانيميا مره اخرى ( اى ان العلاج لا يكون لمده اسبوع او اسبوعين ولكن يستمر لمده 6 شهور )
غالبا يكون علاج الانيميا فى صورة اقراص او فوار حديد وهذا من اكثر انواع علاج الانيميا انتشارا ولكن قد يسبب غثيان او غممان للنفس وترجيع وممكن ان يسبب امساك .
وممكن ان يكون العلاج فى صورة حقن فى العضل او الوريد وهذا العلاج للاشخاص اللى معدتهم لا تتحمل الاقراص .
